Ինչպե՞ս ճիշտ քնել շոգ եղանակին. med.news.am

Մարդիկ ավելի լավ են քնում ցուրտ եղանակին, իսկ շոգը բացասաբար է անդրադառնում քնի որակի վրա: Ի՞նչ անել, թե ստիպված եք քնել շոգ եղանակին: Հարցին պատասխանում են բրիտանացի մասնագետները:

Հոգեբան ու քնի մասնագետ Ներինա Ռամլախանը կիսվում է մի շարք գործնական խորհուրդներով, որոնք կօգնեն քնել շոգ եղանակին:

• Առաջին հերթին բժիշկը խորհուրդ է տալիս ձեռքի տակ եղած միջոցներից օդորակիչ պատրաստել: Դրա համար պետք կգա հովհարիչ, որի դիմաց պետք է սառույց տեղադրել եւ ուղղել օդի հոսանքը մահճակալի վրա: Հալչող սառույցը կզովացնի օդը, իսկ հովհարիչը կտարածի այն սենյակով:
• Մասնագետը նաեւ խորհուրդ է տալիս սառը ջրով բաժակ կամ ափսե դնել մահճակալի կողքին, եթե շատ շոգ լինի, թրջեք Ձեր դեմքը: Դա վայրկյանական կմեղմի ինքնազգացողությունը եւ կօգնի քնել:
• Եթե սառնարանում տեղ կա, որոշ ժամանակ քնելուց առաջ այնտեղ պահեք բարձը, քանի որ զով տեղաշորի վրա քնելը շատ հարմարավետ է:
• Երբեք մի բացեք ննջասենյակի պատուհանները ցերեկը, եթե դրսում շատ շոգ է:
• Լվացեք ոտքերը սառը ջրով՝ քնելուց առաջ, քանի որ հենց ոտքերն են կարեւոր դեր խաղում օրգանիզմի ջերմային ռեժիմի կառավարման խնդրում:
• Խուսափեք տաք մթերքներ կամ հյութեր օգտագործելուց, մի մոռացեք օրվա ընթացքում շատ ջուր խմելու անհրաժեշտության մասին, քանի որ դա եւս կօգնի ավելի հեշտ հարմարվել շոգին:

Հարցեր, պատասխաններ, մեկնաբանություններ